20 шілде күні Қазақстанның кей аймақтарында найзағай ойнап, жаңбыр мен бұршақ жаууы мүмкін.
Ақмола, Қостанай, Солтүстік Қазақстан, Батыс Қазақстан, Ақтөбе, облыстарында бұршақ жаууы мүмкін, жел 15-20 м/с күшейеді.
Ақмола, Солтүстік Қазақстан облыстарының жекелеген аумақтарында түнде және таңертең тұман болады.
Павлодар, Шығыс Қазақстан, күндіз Қарағанды облыстарының кей жерлерінде жел 15-20 м/с күшейіп, бұршақ жаууы мүмкін.
Оңтүстік-Қазақстан, Қызылорда облыстарының жекелеген аудандарында желдің екпіні 15-20 м/с артып, шаңды дауыл көтеріледі.
Жамбыл облысында 15-20 м/с жылдамдықпен жел соғады.
Күндіз Маңғыстау, Атырау облыстарында, Батыс-Қазақстан, Ақтөбе облыстарының кей жерлерінде күн ысиды.
Сонымен қатар, Оңтүстік Қазақстан, Қызылорда облыстарында, Батыс Қазақстан, Атырау, Ақтөбе, Қостанай, Қарағанды, Жамбыл, Алматы облыстарында өрт қаупі сақталады.
