«Қазгидромет» РМК синоптиктері 25 қыркүйекте атмосфераның фронтал бөліктерінің өтуіне байланысты Қазақстанның басым бөлігінде ауа райы құбылмалы болатынын хабарлады.
Солтүстік Қазақстан облысында желдің екпіні 25 м/с-ке дейін күшейеді, түнде тұман түседі.
Ақмола, Қостанай, Қарағанды облыстарында 15-20 м/с жел соғып, тұман түседі.
Алматы, Түркістан, Шығыс Қазақстан облыстарында да желдің екпіні 15-20 м/с-ке дейін жетеді.
Жамбыл, Батыс Қазақстан, Ақтөбе, Павлодар облыстарында тұман түседі.
Ақмола, Атырау, Батыс Қазақстан, Ақтөбе, Қостанай, Солтүстік Қазақстан, Павлодар, Қарағанды облыстарында түнде 1-3 градус үсік болады.