«Қазгидромет» РМК мамандарының болжауынша, республиканың бірқатар аймағын тұман басып, жел күшейеді. Солтүстікте дауыл тұруы мүмкін.
Солтүстік Қазақстан облысында желдің жылдамдығы секундына 15-20 метр, екпіні секундына 25 метрге дейін күшейеді. Түнде және таңертең кей жерді тұман басады. Күндіз дауыл болады.
Қостанай облысының кей аймағында желдің жылдамдығы секундына 15-20 метр, екпіні секундына 23 метрге дейін жетеді.
Ақмола, күндіз Маңғыстау, Батыс Қазақстан, Ақтөбе, Павлодар, Қарағанды, Шығыс Қазақстан облыстарының кей жерінде желдің жылдамдығы секундына 15-20 метр болады.
Батыс Қазақстан, түнде және таңертең Шығыс Қазақстан облыстарының кей аймағын тұман басуы мүмкін.
Қызылорда облысында, Түркістан облысының басым бөлігінде, Жамбыл облысының кей өңірінде, Карағанды облысының оңтүстік-батысында, Ақтөбе, Батыс Қазақстан облыстарының оңтүстігінде, Атырау облысының батысында өрт қаупі сақталады.