ҚР Орталық сайлау комиссиясы Қазақстанда тіркелген жетінші саяси партияны таба алмай отыр. Бұл туралы ОСК отырысында комиссия мүшесі Зәуреш Баймолдина айтты.
Қазіргі уақытта, Әділет министрлігінің мәліметінше, 7 саяси партия бар. Бірақ мен мұнда 1,5 жылдан бері жұмыс істеймін, жетінші саяси партия хабар-ошарсыз. Біз хат жолдаймыз, ешқандай жауап келмейді. Біз оларды шараларға шақырғанда ол партияның өкілдері келген емес, — деді Зәуреш Баймолдина.
Айта кетейік, қазіргі уақытта елімізде белсенді қызмет ететін алты саяси партия бар: Nur Otan, «Ақ жол», ҚХКП, «Ауыл», «Бірлік» және ЖСДП.
