Джибути Республикасының Ұлттық павильонына кірген адам ежелгі салт-дәстүрлер мен болашақтың энергиясына деген жаңаша көзқарасты байқайды.
«ЭКСПО» көрмесі — біз секілді өзге де мемлекеттер үшін өзінің экология, экономика, энергетика салаларындағы мүмкіндігін көрсетуге берілген үлкен мүмкіндік. Бұл жерде әр елдің мамандары экологиялық мәселелерді талқылап, ғаламдағы көмірқышқыл газының бөлінісін азайту, қосымша энергия көздерін ашу, энергетика тұрақтылығын қамтамасыз ету сынды жаһандық мәселелерге қатысты ойларын алмасып, тәжірибелерін бөлісіп жатыр. Біз «ЭКСПО-2017″ Халықаралық мамандандырылған көрмеге қатысып жатқанымызға қуаныштымыз»,-деді Джибути Республикасының Сауда және туризм министрі Хассан Хумад Ибрахим.
Оның айтуынша, Джибутиде энергия қорын сақтау мәселесіне қатты назар аударылып жатыр екен.
Джибути елінен келген мамандар туризм саласына, оның ішінде экотуризмге де қатты мән беріп жатқандарын айтады. Себебі, Республика таулы аймақта орналасқан. Туристер ол жақта тау баурайларын аралап, сөнген жанартауларды, гейзерлерді, тұзды суларды тамашалай алады. Сулардағы тұздың көптігі соншалықты, Солтүстік полюсте жүргендей әсер береді. Сондай-ақ, Джибутиде ең танымал — Ассаль көлі бар. Ол Африканың ең төменгі нүктесінде теңіз деңгейінен 153 метр тереңдікте орналасқан.
Көрме қонақтары Джибути Республикасының Ұлттық күнін тойлау барысында олардың салт-дәстүрлері мен төл мәдениеттерін тамашалады.
Ал, пресс-конференция кезінде Джибутиден келген делегация мен қазақстандық мемлекеттік орган қызметкерлері, бизнес-бірлестік өкілдері инвестициялық мүмкіндіктерін талқылады.
17 Пікір