«Қазгидромет» РМК синоптиктерінің мәліметінше, өңірлерде тұман түсіп, жел күшейеді, оңтүстікте және оңтүстік-шығыста найзағай ойнап, бұршақ жауады, солтүстікте көктайғақ болады.
Ақмола, Солтүстік Қазақстан, Павлодар, Қостанай, Қарағанды облыстарында тұман түсіп, көктайғақ болады, 15-20 м/с жел соғады. Қызылорда, Маңғыстау, Атырау, Батыс Қазақстан облыстарында тұман түседі, Түркістан, Жамбыл облыстарында найзағай ойнайды, тұман түседі, күндіз бұршақ жауады, жел күшейеді.
Алматы облысында 15-20 м/с жел соғады. Шығыс Қазақстан облысының кей жерлерінде 15-20 м/с жел соғады, күндіз найзағай ойнайды.
Түркістан, Шығыс Қазақстан облыстарында өзендердің деңгейі көтеріледі. Үлкен Алматы, Кіші Алматы шатқалдарында қар көшкіні қаупі болады.