Оңтүстік пен шығыста өзен-көлдердің деңгейі көтерілуі мүмкін

Алдағы тәуліктерде суқоймаларға мұз жиналуы мүмкін, соның салдарынан өзендердің арнасынан асу қаупі бар.

Өзен-көлдер көктем наурыз ауа райы
Фото: Zaleskiy.com

“Қазгидромет” РМК мамандары Алматы, Жамбыл, Қызылорда, Түркістан, Шығыс Қазақстан облыстарында су деңгейі көтерілуі мүмкін екенін ескертті.

Мамандардың мәліметінше, алдағы демалыс және мейрам күндері еліміздің шығыс, оңтүстік-шығыс, оңтүстік және оңтүстік-батыс өңірлеріндегі суқоймалар арналарына мұз жиналу қаупі бар. Соның салдарынан өзендер арнасынан асып, су деңгейі көтерілуі мүмкін.

Сонымен қатар еліміздің шығысында және оңтүстік-шығысында ауа температурасының жоғарылауынан жазықтық жерлерде еріген қар суы тасуы мүмкін, – делінген синоптиктердің ескерту хабарламасында.