«Қазгидромет» РМК мамандарының мәліметінше, бүгін республиканың басым бөлігі әлі де терең және белсенді фронтал жүйе ықпалында болады, сол себепті еліміздің көп өңірінде жауын-шашын, солтүстікте қар жауады. Кей жерлерде екпінді жел тұрып, тұман түседі, көктайғақ болады, бұрқасын соғады.
Павлодар облысында 15-20 м/с жел соғады, кей жерлерде жел екпіні секундына 23-28 метрге жетеді, кей жерлерінде көктайғақ болады, бұрқасын соғады.
Жамбыл, Қызылорда облыстарының кей жерлерінде тұман түседі, көктайғақ болады, 15-20 м/с жел соғады, жел екпіні секундына 23-28 метрге жетеді.
Түркістан облысының кей жерлерінде тұман түсіп, 15-20 м/с жел соғады, күндіз жел екпіні 23-28 м/с-ге жетеді.
Ақмола облысының кей жерлерінде тұман түсіп, көктайғақ, бұрқасын болады, жел екпіні секундына 25 метрге жетеді.
Қарағанды, Шығыс Қазақстан облыстарында да тұман түсіп, көктайғақ болады, бұрқасын тұрады, жел екпіні секундына 15-22 метрге жетеді.
Қостанай, Солтүстік Қазақстан облыстарының кей жерлерінде бұрқасын тұрады, 15-20 м/с жел соғады.
Маңғыстау облысының кей жерлерінде тұман түседі, көктайғақ болады, күндіз 15-20 м/с жел соғады.
Батыс Қазақстан облысының кей жерлерінде көктайғақ болады, бұрқасын соғады, 15-20 м/с жел соғады.
Алматы, Атырау облыстарының кей жерлерінде 15-20 м/с жел соғады. Ақтөбе облысында да бұрқасын мен 15-20 м/с жел соғады.
Ақмола, Қостанай, Батыс Қазақстан, Ақтөбе, Оңтүстік Қазақстан облыстарында ауа райының қолайсыздығына байланысты ескерту жарияланды.