«Қазгидрометтің» хабарлауынша, 10 қараша күні Қазақстанның басым бөлігінде атмосфералық фронттардың өтуіне байланысты жауын-шашын жауады, оңтүстік-шығыста және батыста екпінді жел мен бұрқасын соғады. Кей жерлерде тұман түсіп, көктайғақ болады.
Қарағанды, Шығыс Қазақстан облыстарының кей жерлерінде тұман түсіп, бұрқасын болады, 15-20 м/с жел соғады, Шығыс Қазақстан облысында көктайғақ болады. Солтүстік Қазақстан облысының кей жерлерінде тұман түседі, көше-жолдар көктайғақтанады. Қызылорда, Батыс Қазақстан облыстарында да кей жерлерде тұман түсіп, көктайғақ болады, күндіз 15-20 м/с жел тұрады. Ақмола, Қостанай, Павлодар, Маңғыстау, Атырау, Жамбыл, Алматы облыстарының кей жерлерінде тұман түседі, күндіз Жамбыл, Алматы облыстарында 15-20 м/с жел соғады.
Қызылорда облысында тұман, көктайғақ пен желдің күшеюіне байланысты ескерту жариялады. Еске салайық, бұған дейін «Қазгидромет» РМК демалыс күндері қазақстандықтар қысқы ауа райын сезінетінін хабарлаған еді.
