«Қазгидромет» РМК 22 қазан — дүйсенбіге арналған ауа райы болжамын ұсынады.
Мамандардың мәліметінше, бүгін Қазақстанның басым бөлігінде жауын-шашын болмайды, тек республиканың солтүстік жартысында циклонның өтуіне байланысты тұрақсыз ауа райы қалыптасады, кей жерлерде жауын-шашын болады. Өңірлерде жел күшейіп, тұман түседі, көктайғақ, бұрқасын болады.
Ақмола, Қостанай, Солтүстік Қазақстан, Павлодар, Қарағанды облыстарының кей жерлерінде тұман түседі, көктайғақ болады, 15-20 м/с жел соғады.
Қарағанды облысында түнде кей жерлерде жаяу бұрқасын болады.
Алматы, Жамбыл, Атырау облыстарының кей жерлерінде тұман түседі.
Түркістан, Шығыс Қазақстан облыстарында 15-20 м/с жел соғады.
Көктайғақ, тұман, жаяу бұрқасын мен оңтүстік-батыстан соғатын күшті желге байланысты Ақмола облысында және Астанада ескерту жарияланды.