Сенімсіз автокөліктер рейтингін Chevrolet Camaro бастап тұр. Америкалықтар Chevrolet Camaro көлігінде трансмиссия, машинаны жүргізетін механизм мен электр мәселелері жиі болып тұратынын айтты.
Екінші орында – Mercedes-Benz GLC. Бұл көліктердің тежегіш жүйесі, рөлі мен аспасында ақау шығатын көрінеді.
Америкалықтардың көңілі толмайтын тағы бір көлік – Jaguar F-Pace. Бұл автокөліктердің де трансмиссия мен электр жүйесі жиі бұзылып, салонда шу болады.
Жүргізушілер Tesla Model X электрлі кроссоверінің осал тұстары ретінде бояу, әрлеу мен кузов элементтерін көрсеткен.
«Антирейтинг» ондығында GMC Acadia жол талғамайтын көлігі, Fiat 500 хэтчбэгі, Ford Focus пен Ford Fiesta, сондай-ақ Volvo XC90 мен Cadillac Escalade бар.