Мамандандырылған ауданаралық әскери сотта шенеуніктерге қатысты үкім шығарылды. Олардың 69 млн теңге көлемінде пара алғаны дәлелденді.
Қорғаныс саласының бұрынғы қызметкері мен Қаржы министрлігінің маманы және пара берген алты кәсіпкер сотталды. Ал Қазақстан Қарулы Күштерінің материалдық-техникалық қамтамасыз ету бас басқармасы басшысының орынбасары подполковник Төлеміс Жұмқазиев он екі жылға бас бостандығынан айырылды. Төлеміс Жұмқазиев шенінен ғана айырылып қоймай, мүлкі тәркіленетін болды.
