ЭКСПО-2017 Халықаралық көрмесін өткізу кезінде Қабанбай батыр даңғылы, Мәңгілік ел, Ұлы Дала, Керей-Жәнібек хандары мен Тұрар Рысқұлов көшелері бойымен жүк көліктерінің қозғалысына шектеу енгізіледі.
Ондағы мақсат — көлік құралдарының кептелісін төмендету және жол қауіпсіздігін қамтамасыз ету және қаланың экологиялық жағдайына жағымсыз әсер ететін деректерді болдырмау.
Сондай-ақ, жақын арада елордадағы «Нұржол» бульварында көлікті жолдың бойында қалдыруға тыйым салынады. Ол жерде тек ақылы автотұрақтар болады. Бұдан бөлек, алдағы уақытта Астананың 24 көшесінде автобус жолақтарын енгізу жоспарланған.
