Көкшетау, Степногорск қалалары және Бұланды, Бурабай, Ерейментау, Есіл, Жақсы, Зеренді, Шортанды аудандарының тұрғындары Атбасар, Сандықтау, Астрахан, Целиноград аудандарының тұрғындарын азық-түлік, киім-кешек, бөтелкедегі су, жуу заттары, гигиеналық құралдар және табиғи газбен қамтамасыз етті.
Ерейментаулықтар болса Атбасар қаласына шамамен үш миллион теңгеге 77 бас қой, 2 ірі мүйізді мал түрінде гуманитарлық көмек көрсетті. Одан бөлек, аудандардың барлық мемлекеттік қызметкерлері арнайы есепшотқа бір күндік еңбекақыларын аударды. Ол шамамен 10 миллион теңге болды.
Сондай-ақ, қазақстандықтардың Ақмолалық Қазақстан халқы Ассамблеясы жанындағы «Қазақ тілі және мәдениет» қоғамдық бірлестігінің арнайы есепшотына аударған ақшаларының жалпы сомасы 22 миллион теңгеге жетті.
