Ділдар Құттыбайдың айтуынша, олар басында Арыс ауданында тұрған. Күйеуі қайтыс болып кеткен соң, қайын інісі өзі тұратынын айтып, алты балалы ананы үйден шығарып жіберген. Баспанасыз қалған ана амалсыз Шымкентке көшіп келеді. Қазір айына 5 мың теңгеге пәтер жалдап тұрады. Ділдардың айтуынша, бес бала үшін әлеуметтік көмек алады. Алтыншы баласы үлкен, 18-ге толып кеткен. Ол жұмыс істеп, күніне 2-3 мың теңге табады.
«Қазір тұрып жатқан жерімізде я су жоқ, я свет жоқ. Суымызды кесіп тастаған. Светімізді тағы да кесіп тастады. Не істерімізді білмеймін»,-деді көп балалы ана.
