Ризашылық хатқа қызылордалық аналардың атынан Баламекен ауылының 20-ға жуық көпбалалы аналары қол қойған.
Құрметті Нұрсұлтан Әбішұлы, біз, Қызылорда облысының аналары, соның ішінде Баламекен ауылының тұрғындары, көпбалалы аналар Сізге шын ниеттен туған ақ тілегімізді арнаймыз! Әлемді әлекке салған індеттің таралуынан халқымызды аман сақтап қалуға, ел болып жұмылуға шақырған Үндеуіңізді біздер қолдаймыз, – делінген хатта.
Қызылордалық аналар одан әрі Елбасының BizBirgemiz бастамасын ыстық ықыласпен қабылдап, Тұңғыш Президенттің осындай қиын кезеңде баршаға үлгі көрсеткенін жеткізген.
«Жақсыдан – шарапат» деген осы болар, карантин уақытында Нұр-Сұлтандағы және Алматыдағы халықтың аз қамтылған санаттарын қолдауға тапсырма бердіңіз. BizBirgemiz деп аталған бастамаңыздың аясында тұрмысы төмен көпбалалы отбасыларға жасап отырған қолдауыңызды қызылордалық көпбалалы аналар ыстық ықыласпен қабылдадық. Қазіргі тығырықтан да, Сіз және Сіз бен біз болып сенім артқан Президентіміз Қасым-Жомарт Кемелұлы және елдегі бірлігіміз арқылы елді аман алып шығатынымызға біз кәміл сенеміз. Сізді Ұлыстың Ұлы күні әз-Наурыз мерекесімен құттықтап, мықты денсаулық, ұзақ ғұмыр, елімізге жарқын болашақ тілейміз! – деген көпбалалы аналар.