Демалыс күндері Қазақстандағы ауа райына ықпал еткен антициклон біртіндеп әлсіреп, Алтайға қарай ысыға бастады. «Қазгидромет» синоптиктері енді елімізде ауа райы қандай болатынын хабарлады.
Мамандардың мәліметінше, алдағы 3 тәулікте Қазақстанның оңтүстік облыстарына Каспий теңізінің оңтүстігінен, ал солтүстік облыстарға Ресейдің Еуропа бөлігінің солтүстік аймағынан циклон келеді, соған байланысты жауын-шашын мен тұман түсіп, көктайғақ болады, солтүстікте боран және батыстан екпінді жел соғады.
Күндізгі ауа температурасы 0 градусқа жақын, оңтүстікте 5-12 градус жылы болады, бұл орташа климат нормасынан жоғары. Республиканың шығысында ғана антициклонның ықпалынан жауын-шашынсыз ауа райы жалғасады, — деп хабарлады «Қазгидромет» РМК баспасөз қызметі.