«Қазгидромет» 14 қазанда күн құбылмалы болатынын хабарлады

«Қазгидромет» РМК синоптиктері 14 қазанда ауа райы қандай болатынын хабарлады.  Атмосфераның фронтал бөліктерінің өтуіне байланысты Қазақстанның басым бөлігінде күн құбылмалы болады.

Солтүстік Қазақстан облысында желдің екпіні 25 м/с-ке дейін күшейеді, кей жерде тұман түседі.

Ақмола облысында екпіні 15-20 м/с болатын жел соғады, тұман түседі.

Жамбыл облысында желдің екпіні секундына 23-28 метрге жетеді, найзағай ойнайды.

Түркістан, Қызылорда облыстарында да найзағай ойнайды, 15-20 м/с жел соғады. Түркістан облысында дауыл тұрады.

Маңғыстау облысында шаңды дауыл тұрып, желдің екпіні 17-22 м/с-ке дейін күшейеді.

Алматы, Атырау, Батыс Қазақстан облыстарында тұман түседі.

Қостанай, Ақтөбе, Павлодар, Шығыс Қазақстан облыстарында 15-20 м/с жел соғады.  Қостанай облысында тұман түседі.

Қарағанды облысында 15-20 м/с жел соғады. Тұман түсіп, найзағай ойнайды.

Түркістан, Қызылорда, Қарағанды, Шығыс Қазақстан облыстарында өте жоғары өрт қаупі бар.