Не болды?
30 маусымнан бастап Алматыдағы Қарасай батыр мен Құлымбетов көшелерінде жаңа қозғалыс сызбасы бекітілді. Алмалы ауданындағы жаңа көлік бағыты пилот режимде енді. Бұл туралы Baribar.kz хабарлап отыр.
Мәлімет
Әкімдіктің мәліметі бойынша, Қарасай батыр көшесінің Розыбакиев көшесі мен Варламов көшесі арасындағы аумақта көліктер батысқа қарай біржақты бағытта жүреді. Құлымбетов көшесінің Варламов көшесінен Розыбакиев көшесіне дейінгі бөлігінде шығысқа қарай біржақты қозғалыс енді.
Көлік қозғалысының жаңа бағыты кептелісті азайтуға және жол қозғалысы қауіпсіздігін күшейтуге бағытталған. Пилот жобаның тиімділігін бақылап, мониториң бойынша жаңа қозғалысты одан әрі ұйымдастыру туралы шешім қабылданады, — делінген хабарламада.
Контекст
Естеріңізге салайық, 1 шілдеге дейін Астанадағы екі көшеде көлік қозғалысы шектеледі.
