ҚР Президенті Қасым-Жомарт Тоқаев Қырғызстан Президенті Сооронбай Жээнбеков пен қырғыз халқына қолдау сөздері үшін алғыс білдірді.
Арыстағы төтенше оқиғаға байланысты Қырғызстан Президенті Сооронбай Жээнбековтің бауырлас қырғыз халқының атынан алаңдаушылық пен жанашырлық танытқанына ризашылығымды білдіремін, — деп Қасым-Жомарт Тоқаев Twitter әлеуметтік желісіндегі парақшасында жазды.
24 маусымда Арыстағы әскери бөлімшенің территориясында жарылыс болды. Төтенше оқиғадан кейін 39 мың тұрғын қаладан өз бетімен шығып кеткен.
Бұған дейін қаладағы ғимараттардың 80-90%-і бүлінгені мәлім болды. Оқиға салдарынан екі адам қаза тапты.
