Не болды?
Тұркістан облысындағы Сарыағаш ауданының тұрғыны құмар ойын бизнесін ұйымдастырғаны үшін бас бостандығынан айырылды. Бұл туралы Baribar.kz хабарлап отыр.
Мәлімет
Бас прокуратураның мәліметіне қарағанда, сотталған адам бірнеше үйді жалға алып, ойын автоматтарын орнатып, тыйым салынған құмар ойын ұйымдастырған. Заңсыз ойыннан түскен жалпы табыс — 20,9 млн теңге. Сарыағаш тұрғыны сот үкімімен бас бостандығынан айырылды.
Қылмыстық кодекстің 307-бабы бойынша, үй жалдап, заңсыз құмар ойын ұйымдастырғаны үшін екі жылға дейiн бас бостандығы шектеледі немесе сол мерзімге бас бостандығынан айырылады.
Ойын бизнесі арқылы түскен заңсыз табыс толық мемлекет бюджетіне қайтарылды, — делінген хабарламада.
Контекст
Естеріңізге салайық, былтыр Алматыда құмар ойын ұйымдастырғандар сотталған еді.
