Астана әкімінің өкімімен Арман Тұрлыбек қала әкімінің орынбасары болып тағайындалды. Бұл туралы әкімдіктің ресми сайты хабарлады.
Әкімнің жаңа орынбасары энергетика, коммуналдық шаруашылық, қоршаған ортаны қорғау саласындағы мәселелерге жауап береді, — делінген хабарламада.
Арман Тұрлыбек 1971 жылы Қарағанды облысында туған. Экономикалық және техникалық білімі бар: Алматы Энергетика және байланыс институтын, Қазақ мемлекеттік басқару академиясын тәмамдаған.
1999 жылдан бастап Қарағанды облысы энергетика, байланыс және коммуналдық шаруашылық департаментінің директоры, Сәтбаев әкімі болып жұмыс істеді. 2008-2010 жылдары Қарағанды облысы әкімінің тұрғын үй-коммуналдық шаруашылық, жолаушылар көлігі және тарифтік саясат мәселелері жөніндегі орынбасары қызметін атқарды. 2010-2014 жылдар аралығында Индустрия және жаңа технологиялар министрлігі Мемлекеттік энергетикалық қадағалау комитетінің төрағасы болды.
2014-2016 жылдары Инвестициялар және даму министрлігіндегі жауапты қызметтерді атқарды. 2016 жылдан бастап Астананың Сарыарқа ауданының әкімі болды.
