Әнші Димаш Құдайберген Instagram-дағы парақшасына CBS арнасындағы америкалық The World’s Best («Әлемнің үздіктері») шоуы жайлы жазды.
Барлығын басынан бастау. Бірақ ол қажет пе? Қажет. Жеңіліске дайын болмаған адам — жеңіске дайын емес деген сөз. Уақыты келген болуы керек. 3 ақпан. Америка. CBS арнасындағы жаңа шоу. Бұл мен қатысатын соңғы байқау, — деп жазды әнші.
Айта кетейік, The World’s Best шоуына Данэлия Төлешова да қатысып жатыр.
Бұған дейін Димаш Құдайбергеннің The World’s Best шоуында қандай ән айтқаны белгілі болған еді. Ол Қытайда I’m A Singer шоуында айтқан S.O.S d’un terrien en détresse композициясын орындаған.
Әлемдік таланттар байқауының қазылар құрамында қазақстандық продюсер Гауһар Нұртас бар. Ол Димаш пен Данэлияның америкалықтарды таңғалдыратына сенімді.