«Қазгидромет» РМК мамандарының болжауынша, атмосфералық фронттардың өтуіне байланысты ауа райы тұрақсыз болып, кей аймақта жаңбыр жауады.
Ақмола, Жамбыл облыстарының кей жерлеріне тұман түсіп, көктайғақ болады, күндіз желдің екпіні секундына 15-20 метрге дейін күшейеді.
Шығыс Қазақстан облысының кей жерлерінде бұрқасын соғып, желдің екпіні секундына 15-25 метрге күшейеді. Батыс Қазақстан, Ақтөбе облыстарының кей жерлеріне тұман түсіп, көктайғақ болады, желдің екпіні секундына 15-20 метрге күшейіп, бұрқасын соғады.
Қызылорда, Атырау, Маңғыстау, Қарағанды, Солтүстік Қазақстан, Павлодар облыстарының біраз жеріне тұман түсіп, желдің екпіні секундына 15-20 метрге күшейеді.
Алматы облысының кей жерлерін тұман басады.
Түркістан мен Қостанай облыстарында бұрқасын соғып, тұман болады, күндіз желдің екпіні секундына 15-20 метрге күшейеді.
