«Қазгидромет» РМК 17 қазанға арналған ауа райы болжамын ұсынады. Мамандардың мәліметінше, республиканың көптеген бөлігінде ауа райы әлі де тұрақсыз сипатта болады. Жауын-шашын болады, оңтүстік-шығыста жауын-шашын көп түседі. Оңтүстік-батыста ғана жауын-шашын болмайды. Өңірлерде жел күшейіп, тұман түседі, көктайғақ байқалады.
Ақмола облысының кей жерлерінде тұман түседі, көктайғақ, жаяу бұрқасын болады. Секундына 15-20 метрге жететін жел соғады, күндіз екпіні секундына 25 метрге дейін күшейеді.
Солтүстік Қазақстан облысында 15-20 метр/секунд жел соғады, екпіні секундына 23-28 метрге жетеді. Тұман түсіп, көктайғақ болады.
Қостанай облысында 15-20 метр/секунд жел соғады, күндіз екпіні кей жерлерде секундына 23 метрге жетеді, тұман түседі.
Жамбыл облысының кей жерлерінде де тұман түсіп, көктайғақ болады, күндіз секундына 15-20 метр жел соғады.
Түркістан, Қызылорда облыстарының кей жерлерінде 15-20 метр/секунд жел соғып, түнде тұман түседі.
Атырау облысында да секундына 15-20 метр жел соғып, тұман түседі.
Павлодар, Қарағанды облыстарының кей жерлерінде тұман, көктайғақ болады, 15-20 метр/секунд жел соғады.
Шығыс Қазақстан облысында секундына 17-22 метрге жететін күшті жел соғады.
Қызылорда, Солтүстік Қазақстан, Ақмола, Қостанай, Жамбыл, Атырау облыстарында ауа райының қолайсыз болатынына байланысты ескерту жарияланды.