Атмосфералық фронттар шығыс бағытта жылжи отырып, еліміздің солтүстік-батыс, солтүстігіне әсер етеді, соған байланысты осы аудандарда жаңбыр жауып, найзағай болады. Қазақстанның басқа аймақтарында күн жауын-шашынсыз болады.
Акмола, Солтүстік Қазақстан облысының кей аймақтарында 15-20 м/с жел соғады.
Алматы облысының Жалаңашкөл ауданында желдің жылдамдығы 18-23 м/с-қа дейін артады.
Жамбыл, Түркістан, Батыс Қазақстан, Қостанай, Қарағанды, күндіз Павлодар, Ақтөбе облыстарының кей жерінде жел жылдамдығы 15-20 м/с-қа артады. Павлодар, Ақтөбе облысының кей жеріне тұман түсуі мүмкін.
Маңғыстау, Атырау, Шығыс Қазақстан облыстарының кей аймағына тұман түседі. Қызылорда облысының кей өңірінде жел 15-20 м/с жылдамдықпен соғып, шаңды дауыл болуы мүмкін.
Түркістан облысында, Жамбыл, Қызылорда, Атырау, Ақтөбе, Қарағанды, Алматы облысының кей жерінде жоғары өрт қауіпі сақталады.