Оңтүстікте жел күшейіп, шаңды дауыл болады. Республиканың солтүстігі мен шығысының кей жерлерінде түнде және таңертең тұман болуы мүмкін.
Ақмола, Батыс Қазақстан, Атырау, Маңғыстау, Қарағанды облыстарында жел 15-22 м/с-қа дейін күшеюі мүмкін.
Солтүстік Қазақстан, Ақтөбе облыстарының кей жерлерінде желдің жылдамдығы 15-20 м/с-қа дейін артады, бұршақ жаууы ықтимал.
Шығыс Қазақстан, Павлодар облысының кей жерлерінде жел 15-20 м/с-қа дейін күшейеді, түнде және таңертең кей жерлерде тұман басуы мүмкін.
Қызылорда облысының кей жерлерінде желдің жылдамдығы 15-20 м/с-қа дейін артып, шаңды дауыл тұрады. Алматы облысы Алакөл көлі аймағында 15-20 м/с жел соғады, екпіні секундына 25 метрге жетуі мүмкін.
Түркістан, Жамбыл облыстарының кей жерлерінде жел 15-20 м/с дейін күшейеді, шаңды дауыл болады.
Қызылорда, Түркістан, Маңғыстау, Жамбыл, Атырау облыстарының басым бөлігінде, Батыс Қазақстан, Ақтөбе және Қарағанды облыстарының кей жерлерінде дала өрті болуы мүмкін.