Атмосфералық ауа ағындарының өтуіне байланысты кей жерлерде жел соғып, жаңбыр жауады. Түнде және таңертең тұман түседі.
Солтүстік Қазақстан, Шығыс Қазақстан облыстарында 15-20 м/с жылдамдықпен жел соғып, найзағай, бұршақ және тұман түседі. Солтүстік Қазақстан облысында дауыл болады.
Батыс Қазақстан облысында желдің екпіні 15-20 м/с-қа дейін жетіп, найзағай ойнайды, дауыл болады.
Ақмола, Қарағанды, Павлодар, Алматы облыстарында да тұман түседі.
Павлодар облысының кей жерлерінде жел 15-20 м/с-қа дейін күшейеді.
Жамбыл, Түркістан, күндіз Қызылорда облыстарында 15-20 м/с жылдамдықпен жел соғып, Түркістан облысында шаңды дауыл көтеріледі.
Атырау, күндіз Маңғыстау облыстарында найзағай болады.
Қызылорда, Түркістан, кей жерлерде Жамбыл, Алматы, Ақтөбе, Атырау, Маңғыстау, Қостанай, Қарағанды облыстарында жоғары өрт қауіпі сақталады.