2024 жылғы қаңтар-сәуір аралығында 9 597 нысан пайдалануға берілді. Бұл туралы ұлттық статистика бюросының баспасөз қызметі хабарлады.
2024 жылдың төрт айында орындалған құрылыс жұмыстарының жалпы көлемі 1,2 триллион теңге болды, бұл былтырғы жылдың тиісті көрсеткішінен 12,2%-ке артық, — делінген хабарламада.
Орындалған мердігерлік жұмыстардың ішінде құрылыс жұмыстарының жалпы көлеміндегі ең үлкен үлес салмақ тұрғын емес ғимараттардың құрылысына тиесілі — 24,3%. Бұдан кейін тұрғын үйлердің құрылысы — 14,9%. Үштікке жолдар мен автомобиль жолдарының құрылысы да кіреді — бұл жұмыс түрлерінің үлес салмағы 10,9%.
Өңірлер бөлінісінде орындалған құрылыс жұмыстарының (қызметтерінің) ең көп көлемі Атырау облысына тиесілі — 268 миллиард теңге, алайда бұл көрсеткіш өткен жылдың сәйкес кезеңінен 6,3% кем. Сонымен қатар орындалған жұмыстар көлемі бойынша Астана (127,4 млрд теңге) және Алматы (118,7 млрд теңге) қалалары көш бастап тұр.
2024 жылғы қаңтар-сәуір айларында пайдалануға берілген нысандар саны — 9 597 бірлік. Оның ішінде 92% — тұрғын үйлер, 2% — сауда объектілері, 1% — кеңселер, 4% — объектілердің басқа да түрлері.
