Елордадағы Алматы ауданы екі бөлініп, қайта құрылады. Бұл туралы Астана әкімдігі хабарлады.
Халық санының өсуіне және аумақтың қала құрылысы инфрақұрылымының белсенді дамуына байланысты, сонымен қатар әкімшілік-аумақтық басқаруды оңтайландыру мақсатында Астана қаласында Алматы ауданын қайта ұйымдастыру туралы шешім қабылданды, — делінген әкімдік хабарламасында.
Бұған дейін елордалық мәслихат төрағасы Ерлан Каналимов Астанада алтыншы аудан құру туралы бастама көтерді.
Жоғарыда айтылғандарға сәйкес аталған ауданды екі бөлікке бөлу ұсынылады:
- өзінің тарихи атауын сақтайтын – Алматы ауданы (ауданы –8 518 га);
- жалпы ауданы 6 953 га болатын жаңа әкімшілік аудан.
- Құжат жобасы жария талқылау үшін “Ашық” НҚА порталында орналастырылған.
