Ауа райының қолайсыздығына байланысты үш облыста республикалық маңызы бар автожолдардың төрт учаскесінде көлік қозғалысына шектеу енгізілді.
Бұл туралы “ҚазАвтоЖол” хабарлады.
2 ақпан сағат 11.00-дегі ахуал бойынша:
Жамбыл облысында – екі учаске:
«Алматы-Ташкент-Термез» 534-593 км, Айша Бибі ауылынан Түркістан облысы шекарасына дейін – 59 км. Шектеу автокөліктің барлық түрі үшін қолданылады.
«Алматы-Ташкент-Термез» 159-476 км, Кенен ауылынан Ақшолақ ауылына дейін – 317 км. Шектеу жүк көліктері үшін енгізілді (бұрқасын, шектеулі көрініс).
Жетісу облысында – бір учаске:
«Үшарал-Достық» 84-184 км, Көктұма стансасынан Достық станциясына дейін – 100 км. Шектеу автокөліктің барлық түрі үшін қолданылады (бұрқасын, шектеулі көрініс).
Түркістан облысында – бір учаске:
«Алматы-Ташкент-Термез» 593-652 км, Жамбыл облысының шекарасынан Машат елді мекеніне дейін – 59 км.Шектеу автокөліктің барлық түрі үшін қолданылады (Жамбыл облысындағы ауа райының қолайсыздығына байланысты).
Республикалық маңызы бар автожолдарды қысқы күтіп-ұстауға 893 бірлік арнайы техника және 1 145 жолшы жұмылдырылды.