«ҚазАвтоЖол» қазіргі кезде ауа райының қолайсыздығына байланысты жабық тұрған жолдарды атады.
Қазір еліміздің екі өңірінде алты күре жол жабық.
Атырау облысында «Атырау-Орал» күре жолының Индер ауылынан БҚО шекарасына дейінгі аралығында көлік қозғалысы шектелді.
Батыс Қазақстан облысында бес күре жол жабық.
Олардың қатарында:
1. «Чапаево-Жалпақтал-Казталовка-РФ шекарасы», Чапаево-
Казталовка ауылдарының арасы;
2. «Атырау-Орал», Атырау облысының шекарасынан Орал қаласына дейін;
3. «Самара-Шымкент», ГАИ бекеті-КПП Сырым БӨП;
4. «Орал-Тасқала-РФ шекарасы», Орал қаласының шекарасынан РФ шекарасына дейін;
5. «Самара-Шымкент», Подстепное-Жымпиты аралығы
Мамандар 2 мың текше метр көктайғаққа қарсы материал пайдаланды. Қысқы күтіп-ұстау жұмыстарына 300-ге жуық арнайы техника мен 500 маман жұмылдырылды. Автожолдарды өңдеу үшін 2 мың текше метрқұм-тұз қоспасы жұмсалды, — делінген хабарламада.