Құтқарушылар ыстыққа байланысты алматылықтарға үндеу жасады.
Алматы ТЖД Қазгидрометтің ауа райына байлансты ескертуі негізінде 19 шілдеде 40 -42 градус ыстық ауа температурасы күтілетіні, сонымен қатар жоғарғы өрт қауіпі сақталатынын хабарлады.
Осыған байланысты, Алматының төтенше жағдайлар департаменті қала тұрғындары мен қонақтарына таулы-орманды алқаптарға барғанда өрт қауіпсіздігі ережелерінің талаптарын сақтауды және:
- тауға демалуға барған жағдайда тұтанған темекі қалдықтарын тастамауды;
- бір желіге бірнеше электр құрылғыларды қоспаңыз, өйткені электр желісінің шамадан тыс жүктелуі қысқа тұйықталуға және өртке әкелуі мүмкін;
- балаларды авто көліктердің ішіне аз уақытқа болса да қалдырмаңыз. Қатты ыстықтан бала есінен танып қалуы мүмкін.
Қала тұрғындары мен қонақтарын күн сәулесiнiң әсерiнен сақтану үшiн серуенге шықпауға шақырамыз, — делінген хабарламада.
