Біздің вакцинаны Дүниежүзілік денсаулық сақтау ұйымының тіркеуінен өткізу бойынша екіжақты жүйелі жұмыс жүріп жатыр. Вакцинаны тіркеудің халықаралық талаптары бар. ДДСҰ мамандары былтыр келген. Биыл онлайн аудит жүргізді. Енді ДДСҰ-ның тұтас миссиясы келмекші. Солларды күтіп отырмыз. Олар вакцинаны қалай өндіріп жатқанымызды, сараптама қалай өткенін, халықаралық стандарттарға сәйкестігін тексереді, — деді ол БАҚ өкілдеріне берген жауабында.
Сонымен қатар ведомство басшысы Қазақстан жағы ДДСҰ-ның бұған дейінгі ұсынымдарын орындағанын еске салды.
Біз олардың ұсынымдарын түгел орындадық. Енді келесі миссияның келуін күтіп отырмыз. Солармен әрі қарай жұмыс істейміз. Бізден талап етіп отырғандары – бүкіл шара халықаралық стандарттарға сай болуы керек, — деді Ажар Ғиният.