Бұл туралы премьер-министрдің баспасөз қызметі хабарлады.
Руслан Желдібай 1989 жылы Жамбыл облысында туған.
Тұрар Рысқұлов атындағы қазақ экономикалық университетін, Уорик университетін бітірген.
Еңбек жолын 2012 жылы «Қазақстан» телеарнасында редактор болып бастаған.
2012-2018 жылдары – «Алматы» телеарнасында бөлім басшысы, продюсері болып жұмыс істеді.
2018-2019 жылдары – ҚР ақпарат және коммуникациялар комитетінің интернет кеңістігіндегі және әлеуметтік желілердегі ақпараттық жұмыс жөніндегі басқарма басшысы болды.
2019-2020 жылдары – ҚР ақпарат және қоғамдық даму министрлігінің ақпарат комитеті төрағасының орынбасары.
2020 жылдың мамыр айынан бастап қазіргі уақытқа дейін президент әкімшілігінің ішкі саясат бөлімі меңгерушісінің орынбасары болды.
