Бұл туралы қалалық мобильділік басқармасы хабарлады.
Тілендиев көшесі мен Солтүстік жарты айналма жолды солтүстік бағытта Үлкен Алматы айналма автомобиль жолына дейін ұзартады. Ведомствоның мәліметінше, қазір Алматыны дамытудың бас жоспарына түзету енгізіліп жатыр.
Сондықтан аталған жолдарды тесу бойынша жобалық-сметалық құжаттаманы әзірлеу мерзімі 2022 жылға жоспарланып отыр. Тілендиев көшесін тоғыз шақырымға, ал солтүстік жарты шеңберді 1,2 шақырымға ұзарту жоспарда бар. Сонымен бірге көлік жолайрығын салу ұсынылады, — деп хабарлады ведомоство өкілдері.
Сонымен бірге ведомство өкілдері ҮААЖ-ға алты радиалды жолды жөндеп салғысы келетіндерін айтты. Бұл Алматыдан және Алматы облысынан Үлкен Алматы айналма автомобиль жолына дейін шығатын жол болады.
2013 жылы Рысқұлов даңғылындағы Саин көшесінен Оңғарсынова көшесіне дейінгі жұмыстар аяқталды. Сондай-ақ, сол жылы біз Саин көшесінің құрылысын Мөңке би көшесінен қала шекарасына дейін аяқтадық. Сонымен бірге Ақын Сара көшесінің Абай көшесінен қала шекарасына дейінгі жолының құрылысы аяқталды.
Қазіргі уақытта Абай даңғылы Бауыржан Момышұлы көшесінен қала шекарасына дейін созылып жатыр. Саин көшесі Рысқұлов даңғылынан Мөңке би көшесіне дейін созылып жатыр. Сонымен бірге Рысқұлов даңғылының Ф.Оңғарсынова көшесінен қала шекарасына дейінгі аралығы жобалану үстінде, — деп толықтырды басқармада.
Бұған дейін Алматыда Жұбанов көшесін қала шекарасына дейін тесуге кіріскені хабарланған еді. Жергілікті билік әзірге жобалау-сметалық құжаттаманы әзірлеу үстінде. Тек осы жұмыстар үшін мемлекеттік бюджеттен 144 миллион теңге бөлінді.
