Мақалада Солтүстік Қазақстан облысына оңтүстік өңірлерден көшіп келгендерге сапасыз тұрғын үй салынғаны айтылған. Тексеру нәтижесінде мақалада келтірілген деректер расталды. Бұл туралы Қасым-Жомарт Тоқаевтың баспасөз хатшысы Берік Уәли хабарлады.
Үкімет пен облыс әкімдігі анықталған кемшілікті жоюмен айналысып жатыр. Мұндай олқылықты жібергені үшін Солтүстік Қазақстан облысы Айыртау және Есіл аудандарының әкімдері қызметінен босатылды, — деп жазды Берік Уәли Facebook парақшасына.
Сонымен қатар облыс әкімінің орынбасары, жұмыспен қамту және әлеуметтік бағдарламаларды үйлестіру жөніндегі облыстық басқарманың басшысы және бес ауданның әкімі тәртіптік жауапкершілікке тартылды.