Бүгін Астанада ЭЫДҰ сыбайлас жемқорлыққа қарсы желісі құқық қорғау органдарының жетінші отырысы өтті. Жиында сөз алған ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары Алик Шпекбаев 1200 шенеуніктің мемлекеттік қызметтен өмір бойына шеттетілгенін мәлімдеді.
«660 лауазымды тұлға еселік айыппұлдарға тартылды. Тек екі жылда осындай айыппұлдарда еселеп төлетуден бюджетке 6 млрд. теңге түсті. Сыбайлас жемқорлыққа жол бергені үшін 924 адамға қатысты мүліктік тәркілеу жазасы қолданылды және 1200-і мемлекеттік қызметте жұмыс істеуден өмір бойына шеттетілді»,-деді Шпекбаев.