Өздеріңіз күнделікті баспасөз беттерінен бақылап отырғандарыңыздай, қаладағы эпидемиология ахуалы өте күрделі. Наурыз айынан бері науқастардың көбейгенін байқап отырмыз. Осы айдың ішінде бұрынғы қалыптасқан «уханьдық» вирусқа қосымша «британиялық» және «оңтүстік африкалық» штамдары пайда болды. Осылардың әсерінен күнделікті шығып жатқан науқастар саны көбейді, — деді Алматы әкімі.
Айта кетейік, Қазақстанда коронавирус жұқтырғандар саны күрт өсті. Өткен тәулікте елімізде 2 077 адамнан COVID-19 инфекциясы анықталды. Оның 595-і Алматыда тіркелді.
Алматы 10 наурыздан бері коронавирустың таралуы бойынша «қызыл» аймақта.
