Пациенттердің емі толық аяқталған соң екі рет қайталама зертхана талдамасы алынды. Сынама нәтижесі расталмады. Соған орай ем алушылар облыстық жұқпалы аурулар ауруханасынан үйлеріне шығарылады.
Пандемияны жеңген екі науқас та — Қызылорданың тұрғындары. Енді олар 14 күн бойы аймақтық дәрігерлердің бақылауында болады.
Қызылорда облысында бұған дейін де 2 науқас COVID-19 пандемиясынан жазылды. Қазіргі уақытта өңірде барлығы 4 науқас коронавирус инфекциясынан толықтай айықты.
15 сәуір сағат 15.10-дағы мәлімет бойынша республикада коронавирустан жазылғандар қатары 220-ға жетті.
