2018 жылы 3 542 оқиға болып, ол кезде суицид жағдайлары бір жылда 2,8% азайған еді.
Ranking.kz мамандарының зерттеуіне қарағанда өзін-өзі өлтіргендердің 3 мыңға жуығы — ер адам, дегенмен әйелдер арасындағы суицид оқиғалары бір жылда 11,1% көбейген (772 жағдай). Жалпы, 2019 жылы өзіне-өзі қол жұмсауға 4,8 мың адам әрекеттенген.
Қаза болғандардың 180-і — жасөспірім: 121 ер бала, 59 қыз бала. Соған қарамастан суицид жасауға әрекеттенгендердің арасында қыз балалар көп: 270 жағдай, ұл балалар арасында 81 жағдай.
Суицидке барғандардың 73,6%-і мас болмаған. Мамандардың мәліметінше, адамдар негізінен жалғыздық пен шеттетілу (294 қайғылы оқиға), нашар тұрмыс (205 оқиға), ауыр дерт (136 жағдай), жанжал (90), ажырасу (87) туыстармен сөзге келу (100) себептерінен өзін-өзі өлтірген. 2 800-ден астам суицид оқиғасының себебі анықталмаған.
Қазақстан бойынша суицид Алматы, Шығыс Қазақстан және Түркістан облыстарында көп тіркелген.
