Республика бойынша жел күшейіп, көктайғақ болады, тұман түседі, шығыста жаяу бұрқасын соғады.
«Қазгидромет» кәсіпорны мамандарының хабарлауынша, Ақмола, Қостанай, Солүстік Қазақстан облыстарында тұман түседі, көктайғақ болады, жел екпіні секундына 15-20 метрге дейін күшейеді. Шығыс Қазақстан облысында жаяу бұрқасын соғады, тұман түседі, көктайғақ болады, жел екпіні секундына 15-20 метрге жетеді. Қызылорда, Түркістан, Жамбыл, Павлодар, Қарағанды, Маңғыстау облыстарында екпіні секундына 15-20 метрге жететін жел соғады. Павлодар, Алматы, Жамбыл, Қызылорда, Маңғыстау, Атырау, Батыс Қазақстан, Ақтөбе облыстарында күн тұманды болады.