24 қазанда ауқымды антициклон әсерінен Қазақстанның басым бөлігінде күн жауын-шашынсыз болады, батыста, солтүстік-батыста және солтүстікте ауа райы құбылмалы болып, қар аралас жаңбыр жауады.
«Қазгидромет» кәсіпорны мамандарының хабарлауынша, республиканың кей өңірінде жел күшейеді, тұман түседі, солтүстік-батыста, солтүстікте және солтүстікте-шығыста көктайғақ болып, жаяу бұрқасын соғады.
Солтүстік Қазақстан облысында тұман түсіп, көктайғақ болады, жаяу бұрқасын соғады, жел екпіні секундына 23-28 метрге дейін күшейеді. Ақмола, Павлодар облыстарында тұман түсіп, көктайғақ болады, 15-20 м/с жел соғады. Алматы облысында да күн тұманды болады, Жалаңашкөл көлі ауданында екпіні секундына 22 метрге жететін жел соғады. Қарағанды облысында тұман түседі, 15-20 м/с жел соғады. Шығыс Қазақстан облысында 15-20 м/с жел мен бұрқасын соғады. Қостанай облысында жел екпіні секундына 18 метрге дейін күшейеді. Жамбыл, Атырау, Батыс Қазақстан облыстарында тұман түседі.
