Ақорданың баспасөз қызметінің хабарлауынша, Сержан Әбдікәрімов Қазақстан Республикасының Әзербайжан Республикасындағы төтенше және өкілетті елшісі болып тағайындалды. Ол Қазақстан Республикасының Чех Республикасындағы төтенше және өкілетті елшісі, Қазақстан Республикасының Словак Республикасындағы төтенше және өкілетті елшісі қызметін қоса атқарудан босатылды.
Дәулет Батырашев Қазақстан Республикасының Португалия Республикасындағы төтенше және өкілетті елшісі болып тағайындалды. Ол Қазақстан Республикасының Румыниядағы төтенше және өкілетті Елшісі қызметінен босатылды.
Нұрбах Рүстемов Қазақстан Республикасының Румыниядағы төтенше және өкілетті елшісі болып тағайындалды. Ол Қазақстан Республикасының Венгриядағы төтенше және Өкілетті Елшісі қызметінен, Қазақстан Республикасының Сербия Республикасындағы, бұрынғы Югославияның Македония Республикасындағы төтенше және өкілетті елшісі қызметін қоса атқарудан босатылды.
Жәнібек Әбдрашов Қазақстан Республикасының Венгриядағы төтенше және өкілетті елшісі болып тағайындалды.
Ғабит Сыздықбеков Қазақстан Республикасының Сербия Республикасындағы төтенше және өкілетті елшісі болып тағайындалды.
Қазақстан Республикасының Сауд Арабиясы Корольдігіндегі төтенше және өкілетті елшісі, Қазақстан Республикасының Ислам Ынтымақтастығы Ұйымы жанындағы тұрақты өкілі Берік Арын Қазақстан Республикасының Бахрейн Корольдігіндегі төтенше және өкілетті елшісі қызметін қоса атқарушы болып тағайындалды.
Қазақстан Республикасының Таиланд Корольдігіндегі төтенше және өкілетті елшісі Раушан Есболатова Қазақстан Республикасының Мьянма Одағы Республикасындағы төтенше және өкілетті елшісі қызметін қоса атқарушы болып тағайындалды.
Қазақстан Республикасының Француз Республикасындағы төтенше және өкілетті елшісі Жан Ғалиев Қазақстан Республикасының Португалия Республикасындағы төтенше және өкілетті елшісі қызметін қоса атқарудан босатылды.
