Мемлекет басшысы Қасым-Жомарт Тоқаев ауыл әкімдері лауазымына орта арнаулы білімі бар қазақстандықтарды ұсыну туралы ұсынысты қарауды тапсырды.

Санитарлық-эпидемиологиялық бақылау комитетінің төрағасы Айжан Есмағамбетова аудандық маңызы бар қалалардың, ауылдардың, кенттердің және ауылдық округтердің әкімдерін тікелей сайлау кезіндегі негізгі санитарлық-эпидемиологиялық талаптар көрсетілген бас санитарлық дәрігер қаулысының жобасын оқыды.

Мемлекет басшысы облыстардың және республикалық маңызы бар қалалардың әкімдерімен ауыл әкімдерін сайлау мәселелері жөнінде кеңес өткізді. Жиынға Президент әкімшілігі мен Үкіметтің басшылық құрамы да қатысты.

Президент әкімшілігі басшысының орынбасары Мәлік Мырзалин қандай адамдардың мемлекеттік қызметтегі өтілінсіз әкім сайлауына түсе алатынын айтты.

Ауыл, кент, аудандық маңыздағы қала мен ауылдық округ әкімдері екі мерзімге ғана сайлана алады. Сайлау туралы конституциялық заңға енгізілген түзетулер осындай баппен толыққан.

Батыс Қазақстан облысы бойынша 7-9 маусым аралығында ауылдық округ әкімдерін сайлау науқаны өтті.