Тамыз айы киносүйер қауым үшін тұсаукесерге толы болды. 31 тамыздың өзінде алты бірдей жаңа фильм экранға жол тартты. Сонымен, бүгін қандай фильмдер жарыққа шығады? Шолу жасайық.
1. «Ұрдажық: Эпикалық илеу»
Канадада түсірілген фильмнің режиссері Джей Барушель. Басты рөлдерді Шонн Уильям Скотт, Джей Барушель, Элиша Катберт, ТиДжей Миллер, Уайатт Расселл, Лив Шрайбер, Элисон Пилл, Ким Коутс, Каллум Кит Ренни, Марк-Андре Гронден сомдайды.
Жаңа фильм комедия жанрында түсірілген.
"Вышибала: Эпический замес" картинасы «Ұрдажық» кинотаспасының сиквелі болып табылады. Кинода хоккей ойнауды армандайтын жігіттің хикаясын сөз болады. Бұл жолы ол аса қауіпті қарсыласпен бетпе-бет келеді, оны жеңу үшін жас жігіттің күтпеген серіктеспен бірігуі қажет болады.
2. "Гоголь. Бастама"
Көрші Ресей мемлекетінде түсірілген фильмнің режиссері Егор Баранов.
Рөлдерде: Александр Петров, Олег Меньшиков, Евгений Сытый, Таисия Вилкова, Артем Ткаченко, Юлия Франц, Евгений Стычкин, Ян Цапник, Сергей Бадюк, Марта Тимофеева.
Фильм шытырман оқиғалы, триллер және детектив жанрында түсірілген.
Фильмнің сюжеті бойынша жас жазушы Николай Гоголь тергеуші Гуромен бірге жас қыздардың өлімін зерттеу үшін Полтавщинаға аттанады. Тұрғындар барлық қыздарды өлтіріп жүрген шайтанның барын айтады. Жас жазушы қорқынышын қалай жеңеді екен? Бұл сұрақтың жауабын фильмді көрген соң ғана табарыңыз анық.
3. «Әпкелі-сіңлілі 7-дің құпиясы»
Фантастика жанрының жанкүйерлері үшін Ұлыбритания, Франция, Бельгия және АҚШ-тың түсірілім тобы бірлесіп, "Әпкелі-сіңлілі жетеудің құпиясы" атты фильмді айналымға шығарды. Триллер және фантастика жанрындағы фильмнің режиссері Томми Виркола. Нуми Рапас, Уиллем Дефо, Гленн Клоуз сынды актерлар аталған фильмде басты рөлдерді сомдайды.
Әр жанұяда бір балаға ғана рұқсат берілген, осыны көз алдыңызға елестетіңізші. Осындай біртүрлі әлемде бірден жеті қыз дүниеге келеді. Ата-аналар алты баласының барын құпия ұстауға тырысады. Әр қызды аптаның әр күнімен атауды ұйғарады. Бір күні аяқ астынан Дүйсенбі жоғалып кетеді, осы кезде отбасылық жұп өздерінің құпиясын біреудің біліп қойғанын сезе бастайды.
4. "Квест"
Қорқынышты фильмдерді жақсы көресіз бе? Олай болса, АҚШ режиссері Питер Дбюкс түсірген "Квсет" фильмін жіберіп алмаңыз. Аталған фильмнен Скит Ульрих, Шон Янг, Кристин Донлон, Рэнди Уэйн, Мэтт МакВэй, Эшли Галлегос, Хейли Голдштейн, Ияд Хаджджадж, Тейлор Джон Пидмонт сынды актерларды көре аласыз.
Картинадағы басты кейіпкерлер – қандағы адреналин көлемін көбейткісі келетін жастар, олар сұмдық сынақтан өтеді. Бірақ, балалар қорқынышты қанішер-маньякпен бірге квеструмға қамалады. Олар барлық бас қатырғышты шешіп, соңына дейін бара ала ма? Фильмнен көрейік.
5. «Хэвенхерст»
Бүгін атауы ерекше тағы бір қорқынышты фильм айналымға шығады. АҚШ-та түсірілген "Хэвенхерст" фильмінің режиссері Эндрю С.Эрин. Рөлдерде: Джули Бенц, Белль Шусе, Джош Стэмберг, Даниэль Харрис, Дуглас Тейт, Мэтт Ласки, Дендри Тейлор, Тоби Хасс, Дженнифер Бланк, Финола Флэнаган ойнайды.
Қорқынышты фильм триллер және детектив жанрларының элементтерін қамтиды.
Картинадағы басты кейіпкер бірнеше жыл бойы алкогольді тәуелділіктен емделіп жүреді. Джекки автоапатта қайтыс болып кеткен туған қызының өлімін мойындағысы келмейді. Алқаш сұмдық қожайынның жетекшілігімен өмір сүріп жүрген төмен адамдармен бірге тұрады. Джеккидің өмірінде біртүрлі оқиғалар бола бастайды, оның барлығына зұлым үй кінәлі.
6. "Мысықтар тобы"
Тамыз айының балаларға да базарлығы бар. Бүгін мексикалық режиссер Андрес Кутерьенің "Мысықтар тобы" атты отбасылық мультфильмі жарық көреді.
Анимациялық таспадағы хикая Манхэттен көшелерінде болған, ол жақта мысықтар тобы қылмысты тоқтатуға тырысады. Жігіттер қылмысты зерттеуге кіріседі, оларды жұмбақ Кроко мырза басқарады. Ержүрек мысықтар тобы зұлымдыққа қарсы тұрып, қала тұрғындарына тыныштықты қайтара ала ма?
