«Қазгидромет» РМК синоптиктері алдағы демалыс күндеріне арналған ауа райы болжамын жариялады.
Синоптиктердің мәліметінше, атлантикалық циклонның әсерінен Қазақстанның басым бөлігінде ауа райының тұрақсыз сипаты күтіледі, жауын-шашын (жаңбыр, қар) өтеді, солтүстікте, шығыста, елдің орталығында көктайғақ пен боран болады деп болжанып отыр. Тек ҚР-ның батысында, оңтүстігінде, оңтүстік-шығысында ауа райы негізінен жауын-шашынсыз болады деп күтіліп отыр.
Қазақстан бойынша тұман мен жел күшейеді деп күтіліп жатыр. Температуралық фонда күрт өзгерістер күтілмейді.
