Ауа райының қолайсыздығына байланысты үш облыстағы республикалық маңызы бар автожолдардың үш учаскесінде көлік қозғалысына шектеу енгізілді.
Бұл туралы «ҚазАвтоЖол» баспасөз қызметі хабарлады.
Жетісу облысы – 1 учаске:
- «Ұшарал-Достық» 84-184 км, Көктұма станциясынан Достық станциясына дейін – 100 км.;
Автокөліктің барлық түрі үшін қозғалысты шектеу енгізілді (боран, жолдың көрінбеуі).
Ақмола облысы -1 учаске:
- «Екатеринбург-Алматы» 1 292-1 353 км. Жібек жолы ақы алу пунктінен – Қарағанды облысының шекарасына дейін-61 км.;
Жүк көліктері мен қоғамдық көліктер үшін шектеу енгізілді (боран, жолдың көрінбеуі, көктайғақ).
Қарағанды облысында -1 учаске:
- «Екатеринбург-Алматы» 1 353-1 426 км, Ақмола облысы шекарасынан – Теміртау ақы алу пунктіне дейін – 73 км.
Жүк көліктері мен қоғамдық көліктер үшін шектеу енгізілді (боран, жолдың көрінбеуі, көктайғақ).
Қазіргі уақытта, Республикалық маңызы бар автожолдарда 703 техника жұмылдырылды.
