Абай облысында ауа райының қолайсыздығына байланысты бүгін екінші ауысымдағы мектеп оқушылары қашықтан оқуға көшті.
Бұл туралы өңір әкімдігінің баспасөз қызметі хабарлады.
Әкімдіктің мәліметінше, Ақсуат ауданының 11 мектебіндегі 1-4-класс, екі мектебіндегі 1-9-класс оқушылары; Жарма ауданының алты мектебіндегі 1-4-класс, екі мектебіндегі 1-9-класс оқушылары үшін сабақ онлайн форматқа ауыстырылды.
Облыстың қалған аудандары мен қалаларында мектептер штатты режимде оқып жатыр.
Айта кетейік, бүгін Абай өңіріндегі жекелеген мектептерде бірінші ауысым оқушылары сабаққа барған жоқ.
