«Қазгидромет» синоптиктерінің болжамына қарағанда 30 қазанда еліміздің көп бөлігінде ауа райы құбылмалы болады. Өңірлерде жаңбыр жауады, жел күшейеді, тұман түседі, оңтүстіктегі таулы аудандарда нөсер жауады.
Солтүстік Қазақстан, Қостанай облыстарының кей жерінде тұман түседі, көктайғақ болады, Алматы, Жамбыл, Шығыс Қазақстан, Түркістан, Қостанай облыстарында жел екпіні секундына 15-20 метрге күшейеді. Ақмола, Павлодар, Маңғыстау, Атырау, Қарағанды облыстарының кей жерінде тұман түседі.
